無題

眾位巴打絲絲打，唔好意思，昨晚極為疲勞，寫唔到幾句就瞓著；冇法子，幫公司度水和度橋搞到好累！生意難做也！



竹本兄，小弟個D都係吹水野，而且投資呢家野冇所謂實學—一如羅兄所講，比賭博更賭博。至於天地線乎—“煙他呢”囉，小弟個寬帶都好似仲係普通到唔恨個種。經常有度秒如年的感覺，一笑。不過，夠睇bloomberg和BDI基本上ok。再加上查到yahoo finance, HKEX, 以及World Gold Council和一個專報貨幣和商品期貨和期權的免費站，都冇乜好抱怨。



現在相信大戶走了一部份的貨，同時有部份唔係幾好睇但其實是預期之內(如果冇被之前的碧海潮生曲迷惑的話) 的數據出左：庫存和PPI(不計農產品)少許改善但零售數據，失業數據和出入口數據(不計農產品) 都比他們的” 預測” 壞，但是一眾大行和官員選擇性地唱好，以及淡友要重新部署，所以會有所謂” 好淡爭持” 的局面：好淡雙方各做準備。其中要特別留意的是如果銀行的按揭息率和商業貸款息率(大可以到各大銀行或銀行工會的網址找找) 冇乜改善，BDI和失業率依然係咁上下，則越多基金和大戶唱好，尤其是連原本睇淡的都唱好之時，各位請小心—好有可能係轉勢，不過好不幸的唔係向著牛的方向走！而且到時一face off，很可能發覺台前谷緊好倉的原來幕後做緊淡倉！到時”借D以” 返轉頭，咁就唔知係乜野世界—當然，還有一個小心：一個可以打茅波的政府也。



竹本兄提起美元：看看短債的” 受觀迎程度” ，再看看和去年同比美元的M2供應實無不尋常的增加，當可發覺長期來說或許不好(但是兩三年後話唔定又有改變世界的產品，who knows?) ，短期作為其中一個避難所的角式卻依然不改：所以好又好唔到好勁，但係偏偏又死唔去，而且間唔中可能仲搵下歐羅英鎊打兩鎚，甚至連黃金和石油都可能中招。作為比較高息的商品貨幣澳幣，以及低息又死唔去欠債唔使玩仲間唔中發下威的美元及同等低息經濟死左九成九九但係又鬼咁多儲備的日元，再加上偉大祖國的流通與唔流通之間的人仔，其關係都幾過癮吓。