小小估計

其實大陸要印幾多銀紙在受制於盯緊美元維持穩定匯率的情況下完全是由老美來決定。當然，印出來後到底流去邊就係另一件事。不過，依家好明顯內地已經出手"控制"樓價，同時亦想"引導"D錢係IPO完後就飛入去基建養人。



另一方面，老美總統依家俾國會插緊赤字大但係D人仍然失業兼供樓供到索氣。預先將個波踢定俾呀奇哥，明顯地要求奇哥度橋點樣唔整死啱啱喘到氣的股市下控制印銀紙之數等佢可以派下糖開下job - 唔係果D明益CEO的工。



咁既要求下老美的做法不外是走三步退兩步，印兩三個星期就收緊番一兩個星期。道指和標普500唔駛幾耐就補番哂雷曼前的裂口，屆時在市面有錢托的情況下可以陰D陰D咁收兵。當然咁樣係會跌，但係佢地既期望係製造市場對回落的"合理預期"而變相弱化恐慌性拋售的機會。只要唔拋貨，跌會有個譜的。



因此，在這種上落市前題下，炒波幅雖然利不算大卻合算。如果正股想揸，有膽睇長線者就逢低買中資大股，預設止蝕盤即可；如果拍受唔住睇錯長線玩中線就跟黨的政策走。